30 ára Þórey Ebba fæddist í Reykjavík á Landspítalanum við Hringbraut en ólst upp í vesturbæ Kópavogs þar sem hún gekk í Kársnesskóla. Árið 2011 varð hún stúdent í Fjölbrautaskólanum Garðabæ.
30 ára Þórey Ebba fæddist í Reykjavík á Landspítalanum við Hringbraut en ólst upp í vesturbæ Kópavogs þar sem hún gekk í Kársnesskóla. Árið 2011 varð hún stúdent í Fjölbrautaskólanum Garðabæ.

„Ég er mikil fjölskyldumanneskja og finnst best að eyða frítímanum með stráknum mínum, honum Viktori Inga, og manninum mínum, Sigga. Svo veit ég ekkert betra en að fara í göngutúr eða hjóla úti í náttúrunni og það er eiginlega mitt helsta áhugamál í dag.“

Þórey Ebba starfar á Landspítalanum á göngudeild þvagfæra og er í sjúkraliðanámi samhliða því. „Áhuginn á sjúkraliðanum kviknaði þegar ég vann við aðhlynningu á hjúkrunarheimilinu Sunnuhlíð árið 2016 en það var eitt mest gefandi starf sem ég hef verið í.“

Fjölskylda Þórey Ebba er í sambúð með Sigurði Má Eggertssyni, lögfræðingi og persónuverndarfulltrúa, f. 6.8. 1989. Sonur þeirra heitir Viktor Ingi Sigurðssons og er fæddur 16.10. 2017.

Foreldrar Þóreyjar Ebbu eru hjónin Ingi Þór Edvardsson bókari, f. 20.11. 1958, og Eybjörg Guðmundsdóttir skurðhjúkrunarfræðingur, f. 29.5. 1960. Þau eru búsett í Reykjavík.