Lokaspilið. N-Allir Norður &spade;1052 &heart;1054 ⋄KD10...

Lokaspilið. N-Allir

Suður spilar 6♥.

Óskar ugla dró vitverjuna niður á breiðan hálsinn: „Það eru tuttugu lausar sagnir frá tveimur tíglum upp í sex hjörtu og það hlýtur að vera hægt að nota eina þeirra í uppbyggilegum tilgangi.“

Þeir Magnús mörgæs voru að skoða síðasta spil Evrópumótsins – svakalega sleggju í suður, sem á að segja við opnun austurs á 2♦, multi. Flestir tóku undir sig blint stökk í 6♥ og lentu mjúkri lendingu á réttum stað. „Heppilegt að norður átti ekki hjónin í laufi,“ samsinnti Magnús.

Mihai Grigoriu og Stefan Iancu frá Rúmeníu leystu spilið vel, að mati fuglanna: Suður sagði 4♣ við 2♦ í merkingunni lauf og hálitur, norður hleraði með 4♦ og suður stökk í 6♥. „Nú er auðvelt fyrir norður að segja sjö með fyllingu í laufið.“

Svíinn Peter Bertheau opnunardoblaði 2♦. Vestur passaði til að sýna tígul og það gerði Simon Hult í norður líka. Átta slagir.