Einfalt og flókið. N-Allir
Norður | |
♠ÁK108 | |
♥93 | |
♦Á74 | |
♣ÁK98 |
Vestur | Austur |
♠G763 | ♠D95 |
♥ÁK852 | ♥10764 |
♦D | ♦862 |
♣D75 | ♣1062 |
Suður | |
♠42 | |
♥DG | |
♦KG10953 | |
♣G43 |
Suður spilar 5♦.
„Ég er hrifnari af einföldu leiðinni – það er alltaf vont að þurfa að giska.“ Fuglarnir voru að velta fyrir sér bestu spilamennsku í tígulgeimi frá síðasta keppnisdegi EM. Yfirleitt tók vestur tvo slagi á ♥ÁK og skipti svo yfir í tromp eða spaða.
Það sem Óskar ugla kallar „einföldu leiðina“ var líka sú algenga: Menn einangruðu strax spaðavaldið með ♠ÁK og stungu, tóku svo trompin í botn og þvinguðu vestur með hæsta spaða og laufdrottningu. Þvingunin virkar bara á vestur, en eins og Óskar bendir réttilega á: staðan er skýr.
„Flókna leiðin“ felst í því að bíða með spaðann og taka strax öll trompin nema eitt. Blindur á þá eftir ♠ÁK108 og ♣ÁK. Nú er sama hvor mótherjinn valdar svörtu litina, þvingunin virkar á hvorn þeirra sem er. Gallinn er hins vegar sá að sagnhafi hefur ekki fullkomna talningu og þarf að giska á rétta framhaldið.