Boeing 767-breiðþota með 65 manns innanborðs stefnir á World Trade Center. Þotunni var flogið á syðri turninn, en eldur logar í þeim nyrðri eftir að þotu hafði verið flogið á hann 18 mínútum fyrr.
Boeing 767-breiðþota með 65 manns innanborðs stefnir á World Trade Center. Þotunni var flogið á syðri turninn, en eldur logar í þeim nyrðri eftir að þotu hafði verið flogið á hann 18 mínútum fyrr. — Reuters
Sprenging verður í öðrum turni World Trade Center og mikinn reyk leggur úr hinum turninum.
Skelfingu lostið fólk í New York-borg reynir í ofboði að forða sér þegar annar turna World Trade Center hrynur til grunna, um það bil klukkustund eftir að flugvélum var flogið á turnana. Rudy Giuliani borgarstjóri fyrirskipaði að suðurhluti Manhattan skyldi rýmdur.
Myrkur um miðjan dag í New York. Ringulreiðin var algjör eftir að turnarnir höfðu fallið og fólk vissi ekki hvort það var statt í vöku eða martröð. Stríðsástand er ekki daglegt brauð í borginni. Öllum leiðum til Manhattan-eyjar var lokað í kjölfar hryðjuverkanna í varúðarskyni.
Umkomulaus og skilningsvana maður á göngu um götur New York eftir að turnarnir hrundu. Fólk vissi ekki í hvorn fótinn það ætti að stíga.
Einar Falur Ingólfsson, blaðamaður og ljósmyndari Morgunblaðsins, var á ferð í New York nokkrum dögum eftir árásina og þá gat að líta út um alla borg auglýsingar þar sem lýst var eftir fólki sem var saknað. 2.977 manns létust þennan dag og meira en 6.000 aðrir slösuðust.
Samstaðan var víða mikil. Hér vottar palestínskur drengur í Hebron fórnarlömbum árásarinnar virðingu sína tveimur dögum síðar.
Rústahaugurinn eins og hann blasti við vegfarendum sem leið áttu um Broadway í fjármálahverfinu tveimur vikum síðar.
Farþegi á Staten Island-ferjunni horfir yfir til Manhattan-eyju þar sem reykjarmökkurinn frá rústum World Trade Center-byggingarinnar grúfði enn yfir, tæplega hálfum mánuði eftir árás hryðjuverkamannanna.
27. september 2001 birti bandaríska alríkislögreglan, FBI, myndir af 19 ungum, dökkhærðum mönnum sem grunaðir voru um að vera þeir sem rændu flugvélunum sem notaðar voru til hryðjuverkanna 11. september.
Meira en fimm hundruð manns komu saman í Washington Square-garðinum í New York daginn eftir ódæðið og héldu á kertum í minningu hinna látnu. Heimurinn var í uppnámi og fólk upplifði yfirgnæfandi sorg og samúð.
Bandaríski fáninn blaktir á Ground Zero, þar sem turnarnir stóðu, til minningar um konu sem lést í árásinni. Svæðið nær frá Vesey Street í norðri, West Side Highway í vestri, Liberty Street í suðri og Church Street í austri.
[ Smellið til að sjá stærri mynd ]
Tuttugu ár eru um helgina liðin frá því að hryðjuverkamenn gerðu árás á Bandaríkin og heimsbyggðin fylgdist agndofa með í beinni útsendingu í sjónvarpi.

Tuttugu ár eru um helgina liðin frá því að hryðjuverkamenn gerðu árás á Bandaríkin og heimsbyggðin fylgdist agndofa með í beinni útsendingu í sjónvarpi. Fréttaskýringu um þessa hræðilegu atburði er að finna í laugardagsblaði Morgunblaðsins en hér er sagan sögð í myndum sem flestum, sem með fylgdust, eru enn í fersku minni – og verða meðan fólk lifir. Orri Páll Ormarsson orri@mbl.is

Tuttugu ár eru um helgina liðin frá því að hryðjuverkamenn gerðu árás á Bandaríkin og heimsbyggðin fylgdist agndofa með í beinni útsendingu í sjónvarpi. Fréttaskýringu um þessa hræðilegu atburði er að finna í

laugardagsblaði Morgunblaðsins en hér er sagan sögð í myndum sem flestum, sem með fylgdust, eru enn í fersku minni – og verða meðan fólk lifir.

Orri Páll Ormarsson orri@mbl.is