Lalli og Eddi. A-NS Norður &spade;10975 &heart;K4 ⋄ÁG1094 &klubs;K4...

Lalli og Eddi. A-NS

Suður spilar 4♠.

Af sögnum er það eitt markvert að frétta að austur opnaði á 1♥ sem gjafari. Síðan tóku NS við keflinu og rúlluðu upp í 4♠. Hjartatvistur út.

Spilið kom upp í sveitakeppni í Frank Stewart's Club fyrir skömmu. Annar sagnhafinn (Lalli lánlausi) tók á hjartakóng í borði og svínaði í trompi. Vestur drap og skipti yfir í lauf. Þar átti austur tvo slagi á ♣ÁD og fjórði varnarslagurinn kom síðar á tígulkóng. Einn niður.

Hinn sagnhafinn (Eddi expert) tók á hjartaás heima og spilaði litlum spaða að blindum! Vestur dúkkaði (og hver hefði ekki gert það, spyr Stewart) og tían í borði átti slaginn. Eddi tók næst á spaðaás og svínaði í tígli. Við þessu átti vörnin ekkert svar. Austur spilaði hjarta, en Eddi náði að henda niður tveimur laufum í tígul áður en vestur komst að til að trompa.