Sagan (6)
| Norður | |
| ♠ÁKDG | |
| ♥ÁD10 | |
| ♦DG10987 | |
| ♣-- |
| Vestur | Austur |
| ♠5432 | ♠-- |
| ♥KG987 | ♥65432 |
| ♦-- | ♦65432 |
| ♣KDG10 | ♣432 |
| Suður | |
| ♠109876 | |
| ♥-- | |
| ♦ÁK | |
| ♣Á98765 |
Suður spilar 7♠.
Spilið að ofan birtist í Lesbók Morgunblaðsins árið 1943 með svofelldum formála: „Hér er gömul bridgeþraut, sem einhver hefir ef til vill gaman af að glíma við. Hvernig á jeg að vinna alslemm í spaða? Vestur spilar út laufkóngi. Reynið sjálfir, áður en þjer lítið á ráðninguna.“
Lausnin í Lesbókinni er tíunduð slag fyrir slag, eins og þá var til siðs. En í stuttu máli er lykillinn sá að láta tígul úr borði í fyrsta slag – ekki hjarta. Nota síðan tvær innkomurnar á spaða til að trompa ♥D10 og henda loks ♦ÁK í fjórða hátromp blinds og hjartaás. Þá er leiðin greið fyrir frítíglana.
„Glæsilegt spil þótt gamalt sé,“ sagði mörgæsin og leit dreymin í suðurátt.
„Já, fátt hefur breyst og lítið til batnaðar,“ samsinnti uglan: „Ég sakna þéringanna.“
Til baka
Leita í greinasafni
Prenta grein
