Sagan (9) S-Allir
Norður | |
♠KG63 | |
♥-- | |
♦KDG853 | |
♣952 |
Vestur | Austur |
♠1095 | ♠ÁD842 |
♥ÁK10653 | ♥D982 |
♦962 | ♦10 |
♣G | ♣D107 |
Suður | |
♠7 | |
♥G74 | |
♦Á74 | |
♣ÁK8643 |
Suður spilar 5♣.
„Þetta spil var spilað í kepni,“ skrifar dálkahöfundur Lesbókar árið 1945. Hann lýsir spilamennsku sagnhafa í 5♣ og klykkir út með leiðandi spurningu: „Hvaða skyssu gerði Suður?“
Sagnhafi trompaði hjartaútspilið, „spilaði út lágtígli og tók með ásnum. Trompaði svo hjarta í blind með lauffimmi“. Höfundur rekur spilið lengra, en lesandinn sér, hér og nú, að ekki verður feigum forðað úr því sem komið er. Trompið fellur ekki og vörnin mun alltaf fá þriðja slaginn á hjarta.
En hver var skyssan? Höfundur svarar: „Það hefði verið auðvelt að vinna spilið eftir að blindur trompaði hjartað í fyrsta slag. Til þessi þurfti Suður aðeins að spila lágtrompi út blind og gefa sjálfur! Vörnin er nú alveg vonlaus, því blindur stöðvar hjartað, og Suður getur auðveldlega komist inn, og tekið út trompin, sem eftir eru, og allur tígullinn stendur.“