Afrugl. S-Allir
| Norður | |
| ♠KG9 | |
| ♥KD106 | |
| ♦D103 | |
| ♣952 |
| Vestur | Austur |
| ♠762 | ♠54 |
| ♥G94 | ♥Á853 |
| ♦G754 | ♦9862 |
| ♣Á103 | ♣KG7 |
| Suður | |
| ♠ÁDG103 | |
| ♥72 | |
| ♦ÁK | |
| ♣D864 |
Suður spilar 4♠.
Stundum vill maður gefa andstæðingunum rétta mynd af skiptingunni – ekki rugla boðskiptin, heldur afrugla. „De-camouflage“ er orðið sem Krzysztof Martens notar um slíka spilamennsku. Suður opnar á 1♠ og endar sem sagnhafi í 4♠ án þess að gefa mikið upp um skiptinguna. AV spila vörn af gamla skólanum (hátt-lágt er jöfn tala) og vestur trompar út.
Eini ekta vinningsmöguleikinn er að treysta á ♣ÁK í austur, en Martens gefur lítið fyrir svoleiðis óskhyggju. Bókin hans heitir jú PRACTICAL Aspects of Declarer Play. Martens vill frekar reyna að stela hjartaslag með því að spila ♥2 strax að blindum. Þegar vestur sýnir þrílit með fjarkanum er austur vís með að dúkka, sæll í þeirri vissu að makker hans sé með þrílit og sagnhafi þá tvílit. Ef suður spilar hins vegar ♥7 er fjarki vesturs tvíræður frá bæjardyrum austurs – gæti allt eins verið frá ♥G942.
Til baka
Leita í greinasafni
Prenta grein