Hætta með Fortnite í Kína

Tölvuleikir Tölvuleikjarisinn Epic Games lýsti yfir því í vikunni að hann myndi hætta með leikinn Fortnite í Kína og slökkt yrði á netþjónum þess vegna umfangsmikilla hafta þar í landi á leikjamarkaði.

Kínversk stjórnvöld hafa hert allt regluverk til þess að ná betri stjórn á efnahagslífinu. Um leið vilja þau vinna gegn leikjafíkn. Tíminn sem börn mega verja í leikjum hefur verið takmarkaður og þeim sem spila leiki gert að nota sérstök skilríki þegar þeir skrá sig. Þá eru gerðar athugasemdir við „pólitískt skaðlegt“ innihald leikja.

Við þetta hafa tekjur leikjafyrirtækja dregist saman og hlutabréf í þeim teki dýfu.