Grínbandið Bergmál undirbýr sig nú fyrir afar einstaka jólatónleika 1. desember næstkomandi, tónleikana Dónajól.
Verða tónleikarnir klukkan átta þetta kvöld á Gauknum og lofa þær Selma Hafsteinsdóttir og Elísa Hildur Þórðardóttir, söngkonur grínbandsins, miklu glensi og gamni en þær tóku lagið í Ísland vaknar á K100 á dögunum.
„Við erum fagmannlegir dónar. Við erum svona dónalegri útgáfa af Baggalút,“ útskýrði Selma kímin í viðtali við morgunþáttinn en þær stöllur mættu hressar í jólapeysum í þáttinn.
Nánar er fjallað um málið á K100.is.