Framkvæmdum við þriðja áfanga uppbyggingar varnargarða í Norðfirði lauk í gær þegar síðasta grindin var lögð í garðana. Vinna við þennan áfanga garðanna hefur staðið yfir um ríflega tveggja ára skeið.
„Við byrjuðum að byggja þessa varnargarða í ágúst á árinu 2019. Núna er bara frágangurinn eftir,“ segir Benedikt Ólason verkstjóri.
Hann segir íbúa í Neskaupstað vel varða fyrir hvoru tveggja snjó og skriðum frá fjallinu Urðarbotnum: „Þetta á að geta tekið við skriðum líka, ekki bara snjó.“
Benedikt áætlar að 300.000 rúmmetrum af bakfyllingu hafi verið hlaðið í mannvirkið. Til þess var grjót grafið úr fjallinu sem var síðan sprengt og malað og fært inn í varnargarðana. Garðurinn er um sautján metra hár þar sem hann er hæstur.
Til baka
Leita í greinasafni
Prenta grein