Falskt öryggi. A-AV
| Norður | |
| ♠72 | |
| ♥654 | |
| ♦G85 | |
| ♣KDG92 |
| Vestur | Austur |
| ♠ÁD1093 | ♠KG8654 |
| ♥Á107 | ♥K83 |
| ♦2 | ♦-- |
| ♣7643 | ♣Á1085 |
| Suður | |
| ♠-- | |
| ♥DG92 | |
| ♦ÁKD1097643 | |
| ♣-- |
Suður spilar 6♦ doblaða.
Fórnarsagnir mótherjanna geta fyllt menn fölsku öryggi í vörninni. Viðhorfið er gjarnan: „Þetta fer örugglega niður, bara spurning hversu mikið.“
Spil dagsins er frá leik Spectors og Lebowitz í undanúrslitum Soloway-bikarsins. Sagnir gengu nákvæmlega eins á báðum borðum: Austur vakti á 1♠, suður stökk í 5♦, vestur sagði 5♠ – pass og pass, 6♦ í suður og dobl í vestur. Allt eins nema útspilið.
Og hvílíkur munur! Adam Grossack taldi sig öruggan með dáninn og kom út með ♠Á. Sagnhafi trompaði, notaði svo þrjár innkomur blinds á tígul til að verka laufið og njóta. Unnið spil. Hinum megin hugsaði John Kranyak sig lengi um og lagði loks niður ♥Á. Einn niður.
Warren Spector vann leikinn og burstaði svo Antonio Palma í úrslitaleik. Með Spector spiluðu: Gavin Wolpert, Kevin Bathurst, John Hurd, Vincent Demuy og áðurnefndur John Kranyak.
Til baka
Leita í greinasafni
Prenta grein