Allur að koma til eftir aðgerð

Seigla Richie Faulkner, gítarleikari Judas Priest, er allur að koma til en eins og dyggir lesendur Lesbókar vita fékk hann hjartaáfall á tónleikum í haust og var drifinn með hraði í opna hjartaaðgerð. Kappinn birtist óvænt á samfélagsmiðlinum Instagram um liðna helgi með gítarinn og hélt sér við efnið í hér um bil tvær klukkustundir. Að því loknu sagðist hann allur vera að eflast og styrkjast með hjálp frá fjölskyldu sinni og aðdáendum og grípa í gítarinn daglega. „Ég verð kominn á svið áður en þið vitið af! Skurðlæknarnir mínir eru mjög ánægðir með framfarirnar og eiga allir sem einn frátekna miða á næstu Priest-tónleika. Ha ha.“