Uppáhaldssætið. A-Enginn
Norður | |
♠Á10743 | |
♥K654 | |
♦5 | |
♣K74 |
Vestur | Austur |
♠986 | ♠D2 |
♥ÁG1087 | ♥93 |
♦Á | ♦KG109863 |
♣G1052 | ♣D6 |
Suður | |
♠KG5 | |
♥D2 | |
♦D742 | |
♣Á983 |
Suður spilar 3G.
Þú ert í uppáhaldssætinu í suður: Austur gefur og opnar á 3♦ – pass, pass og dobl hjá makker í norður. Viltu reyna 3G eða passa?
Spilið er frá Íslandsmótinu í butler-tvímenningi um síðustu helgi, fámennu en sterku móti. Þrír spilarar reyndu 3G og fóru allir niður. Ástæðan var í sjálfu sér einföld: þeir staðsettu spaðadrottningu í vestur og vantaði þá úrslitaslaginn. Zia hefur skrifað lærðar greinar um ágæti þess að hrinda með Dx í hliðarlit. „Öruggur slag ef maður lendir í vörn,“ segir hann og það er nokkuð til í því.
Í viðureign efstu manna passaði Þorlákur Jónsson 3♦ doblaða og þeir Haukur Ingason uppskáru 300 fyrir tvo niður. Það dugði þó ekki til að fella sigurvegarana af efsta stalli – Björn Þorláksson og Pál Þórsson, sem unnu mótið með töluverðum yfirburðum.