Good, bad and ugly. N-NS Norður &spade;Á &heart;ÁK752 ⋄KG974...

Good, bad and ugly. N-NS

Suður spilar 4♠.

Það er ekkert út á trompleguna að setja. Hún er góð. Legan til hliðar er hins vegar vond og niðurstaðan afar ljót. Hin vanheilaga þrenning.

Kevin Bathurst spilaði 4♠ í undanúrslitum Soloway-bikarsins. Útspilið var lítið lauf. Bathurst reyndi kónginn í borði, austur drap á ásinn, tók á ♣G og skipti yfir í ♦D. Sér lesandinn fyrir sér framhaldið?

Bathurst drap á ♦Á, tók ♠Á, ♥ÁK og henti laufi heima. Spilaði svo hjarta og trompaði smátt. Vestur yfirtrompaði með drottningu og gaf makker sínum stungu í tígli. Einn niður.

Spilið vannst á hinu borðinu, þrátt fyrir sama útspil. Austur skipti yfir í tígul í slag tvö. Michael Rosenberg var sagnhafi. Hann drap með ♦Á, tók ♥ÁK og henti tígli! Spilaði svo hátígli. Austur trompaði, Rosenberg yfirtrompaði, fór inn í borð á ♠Á og endurtók leikinn. Gaf þannig þrjá slagi á lauf en engan á tromp.