Noth ekki með í lokaþættinum

Bandaríski leikarinn Chris Noth, sem fór með hlutverk hins svonefnda Mr. Big í þáttunum Sex and the City , sem á íslensku hétu Beðmál í borginni , verður ekki með í lokaþætti And Just Like That ..., þáttaraðar sem sýnd er þessa dagana á HBO Max og er framhald þáttanna og kvikmyndanna um beðmálin í borginni. Noth hefur verið sakaður um nauðgun af tveimur konum og greinir vefurinn Looper frá því að atriði með honum hafi verið klippt út úr þættinum sem sýndur verður í næstu viku. Noth heldur fram sakleysi sínu.