Síðir jakkar sem eru eiginlega eins og kjólar verða áberandi á árinu. Þessi er frá Saint Laurent.
Síðir jakkar sem eru eiginlega eins og kjólar verða áberandi á árinu. Þessi er frá Saint Laurent.
Innanklæðapungurinn er dottinn úr tísku en þú getur gert eins og Saint Laurent ef þú vilt ekki láta ræna þig.
Blár jakki og rauðir hanskar frá Saint Laurent.
Hér má sjá Díönu í jakka með stórum kraga. Þessir kagar verða vinsælir á árinu. Með henni á myndinni er Elísabet Bretadrottning en myndin var tekin 1987.
Sumartíska Saint Laurent er svolítið Díönu-leg. Þú gætir sett stórar gulltölur á gamla jakkann þinn og stækkað hnappagötin ef þú ert að endurnýta.
Þessi jakki fæst í Zara.
Díana var mikið með perlueyrnalokka eða stóra eyrnalokki úr gulli.
Þessi jakki fæst í Zara.
Gulltölur munu verða áberandi á árinu. Þetta er hönnun Saint Laurent.
Samfestingur frá Saint Laurent. Hann er hluti af Ready-to-Wear vor 2022.
Stutt pils eða jakkar sem ná niður fyrir rass verða vinsælir. Þessi er frá Saint Laurent. Bláu hanskarnir eru mjög næntís og líka hálsfestin.
Díana heitin prinsessa af Wales með sitt stutta hár sem var einkennandi fyrir hana. Þessi klipping á eftir að verða mjög vinsæl á árinu.
Hér er Díana með perlufesti og hatt og í sumarlegum kjó með góðri hreyfivídd.
Hér er Kristen Stewart í hlutverki Díönu heitinnar prinsessu í kvikmyndinni Spencer sem nú er í kvikmyndahúsum. Takið eftir pilsinu og rúllukragapeysunni.
Tískusérfræðingar spá því að 2022 verði ár klassískra hluta eins og Chanel-töskunnar.
[ Smellið til að sjá stærri mynd ]
Nýtt ár kallar á ný tækifæri og nýja orku. Eftir annasemi desember-mánaðar er ekki úr vegi að taka til í tilverunni og anda að okkur ferskum straumum og stefnum. Marta María Winkel Jónasdóttir mm@mbl.is

Til þess að það gangi sem best að taka inn nýja orku þarftu að losa þig við það sem tilheyrir fortíðinni. Það er gott fyrir sálin að taka til í skúffum og skápum, bílskúrum og háaloftum. Fataskápurinn þarf reglulega yfirhalningu og það getur verið ágætt að taka allt úr honum, fara yfir hverja einustu flík og meta hvort hún passi við uppfærða útgáfu af þér á nýju ári.

Í vikunni handþvoði ég föt, straujaði skyrtur og kjóla og fór yfir fataskápinn. Hvatvíst fólk með áhuga á fötum á það til að sanka að sér óþarfa sem framkallar augnabliks-bliss en eldist illa. Það er alveg sama hvað hvatvísir fagurkerar reyna að vanda sig mikið í að kaupa engan óþarfa þá slæðist alltaf eitthvað með.

Eiginmaður minn spurði hvers vegna stæði á því að það lægju oft föt á hjónarúminu þegar hann kæmi heim úr vinnunni. Hann fer yfirleitt á undan mér út úr húsi og ef ég er annars hugar á ég það til að máta nokkur sett af fötum áður en réttu fötin finnast. Það datt af honum andlitið þegar ég sagði þetta. Hann tengdi ekki við neitt. Sem er ekkert skrýtið. Það er ekki eins og það sjáist á klæðaburði mínum að hann sé að fara yfir öll tímamörk og sé útpældur.

Hann er hins vegar að venjast því þegar ég tek mig til og sel hluti af heimilinu eða úr fataskápnum þótt honum hafi vissulega fundist það framandi til að byrja með. Það fylgir því einhver sálarró að losa það sem ekki er notað og leyfa öðrum að njóta þess. Þess vegna fannst mér eðlilegt að spyrja krakkana okkar hvort þau ættu ekki eitthvað sem þau notuðu ekki lengur og myndu vilja selja. Tólf ára sonurinn á heimilinu spurði móður sína hvort við ættum ekki lengur fyrir mat og þyrftum að fjármagna okkur með fatasölu.

Ég neitaði því og sagði að í mínum huga væri jafnsjálfsagt að selja úr fataskápnum sínum eins og að flokka rusl og fara í endurvinnsluna. Það síðastnefnda er einmitt á dagskránni og ég hlakka til að burðast með pokana úr skottinu á bílnum, bíða í röð og vona að dósirnar fari ekki út um allt og horfa svo á eftir gömlum syndum fara á vit nýrra ævintýra. Það er eitthvað við það að endurvinna, endurnýta og fara vel með sem er svo mikið 2022.

Erlendir tískusérfræðingar spá því að gömul merkjavara muni gera allt vitlaust á árinu og ein helsta tískufyrirmyndin verði Díana heitin prinsessa af Wales. Þegar þú verður komin með perlufesti um hálsinn og búin að klippa þig stutt, komin í tvíhnepptan jakka, pils sem nær 10 sm fyrir ofan hné og 40 den sokkabuxur þá veistu að þú ert að gera eitthvað rétt í lífinu. Áfram þú!