A gulum blöðum. A-Allir Norður &spade;D72 &heart;G1075643 ⋄K7...

A gulum blöðum. A-Allir

Suður spilar 5♣.

„Nú þegar Gölturinn er farinn í sólarfrí til Elbu datt mér í hug hvort við gætum ekki notað tímann til að fletta í gömlum skræðum.“ Magnús mörgæs lagði þykkan bunka af gulnuðum blöðum á borðið fyrir framan ugluna: „Þetta eru nótur frá Herði Þórðarsyni um Evrópumótið í Stokkhólmi 1956.“

Hörður og Einar Þorfinnsson voru hér að spila við Svíana Niels-Olof Lillehöök og Jan Wohlin. Einar vakti á 1♣ í austur og Wohlin í suður sagði 1♥ á hjónin þriðju! Hörður sagði 1♠ og Lillehöök 2♥ á sexlitinn. Einar sagði 3♣ – pass, pass og 3♥ hjá Lillehöök. Og allir pass (140 í NS).

Á hinu borðinu sögðu Einar Werner og Rudolf Koch 4♠ í AV og unnu. Þar kom Lárus Karlsson inn á 1♦ yfir laufopnun austurs, vestur sagði 1♠ og Árni M. Jónsson barðist í 2♥ – pass og pass og 2♠ hjá Werner, sem Koch hækkaði í fjóra (650 í AV).