Andrés stefnir á 2. sæti hjá VG

Andrés Skúlason, fv. oddviti á Djúpavogi, býður sig fram í 2. sæti í forvali Vinstri-grænna fyrir komandi borgarstjórnarkosningar. Andrés hefur tekið virkan þátt í starfi VG allt frá stofnun flokksins árið 1999 og gegnt ýmsum trúnaðarstörfum á þeim vettvangi, m.a. átt sæti í stjórn VG síðustu fimm árin. Andrés á m.a. sæti í stjórn ÍSOR, er formaður Fornminjaverndar og í hlutastarfi hjá Landvernd. Hann bjó lengi á Djúpavogi en flutti til Reykjavíkur árið 2019. Andrés var um árabil fréttaritari Morgunblaðsins á Djúpavogi.