Leyndardómsfullt. V-NS Norður &spade;Á94 &heart;ÁG83 ⋄86532...

Leyndardómsfullt. V-NS

Suður spilar 6♥.

Þegar þvingun er undirbúin í enskum fræðibókum um spilið er oft fyrsta verk sagnhafa „to rectify the count“ eða „leiðrétta talninguna“, eins og sagt er á íslensku. Orðalagið er leyndardómsfullt (bæði á ensku og íslensku) og kannski fer betur á því að „slá í taktinn“ eða „mæla út skrefin“. Alla vega: Suður spilar 6♥ eftir opnun vesturs á tígli. Útspilið er tígulkóngur. Hvernig á nú að „stilla upp“ fyrir þvingun?

Fyrst er að kanna leguna í tígli, því ef liturinn fellur 4-3 má fría þar tólfta slaginn. Suður spilar trompi á blindan og stingur tígul. Tekur ♣Á og trompar lauf og spilar enn tígli. Þegar austur fylgir með laufi er ljóst að tígullinn mun seint fríast. Suður hendir þá spaða heima og leiðréttir þannig talninguna fyrir komandi þvingun á vestur í spaða og tígli.

Að leiðrétta talninguna er að „rétta kúrsinn“ svo að höggspilið missi ekki marks.