Hollenski skautahlauparinn Ireen Wüst fagnar sigri í 1500 metra skautahlaupi á þriðjudag. Hún er 35 ára fyrsti íþróttamaðurinn, sem vinnur til gullverðlauna á fimm ólympíuleikum í röð hvort sem er að vetri eða sumri. Hún vann sitt fyrsta gull á vetrarleikunum í Tórínó á Ítalíu 2006. Nú setti hún ólympíumet.
Hollenski skautahlauparinn Ireen Wüst fagnar sigri í 1500 metra skautahlaupi á þriðjudag. Hún er 35 ára fyrsti íþróttamaðurinn, sem vinnur til gullverðlauna á fimm ólympíuleikum í röð hvort sem er að vetri eða sumri. Hún vann sitt fyrsta gull á vetrarleikunum í Tórínó á Ítalíu 2006. Nú setti hún ólympíumet. — AFP
Norðmaðurinn Tormod Frostad virðist hafa gert samning við þyngdarlögmálið þar sem hann svífur hátt á lofti í undanrásum í skíðafimi með frjálsri aðferð á þriðjudag.
Endija Terauda frá Litháen þýtur áfram á ógnarhraða á magasleða á æfingu á sleðabrautinni í Yanqing. Hún virðist þó kyrr og brautin á fleygiferð.
Liðsmenn Sviss í hvítu og liðs rússnesku Ólympíunefndarinnar í rauðu voru komnir í hár saman í leik þeirra á miðvikudag. Rússarnir eru ríkjandi Ólympíumeistarar og sigurvissir, en hófu titilvörn sína á að merja Svisslendingana 1-0.
Skautahlaupararnir Hwang Dae-heon frá Suður-Kóreu, Steven Dubois frá Kanada og Semen Elistratov frá Rússlandi virðast vera í samræmdum dansi frekar en kappi í undanrásum 1500 metra skautahlaupsins á miðvikudag.
Shoma Uno frá Japan keppir í listdansi á skautum með tilþrifum á miðvikudag. Frammistaða hans dugði honum til að næla í bronsið.
Alexa Knierim og Brandon Frazier frá Bandaríkjunum keppa í listdansi á skautum. Þau gátu ekki lokið keppni því að Frazier greindist með Covid-19.
[ Smellið til að sjá stærri mynd ]
Hærra, hraðar, sterkar – saman, hljómar nýtt og endurbætt kjörorð Ólympíuleikanna. Vetrarólympíuleikarnir í Kína hafa farið af stað með látum og oft eru tilþrifin með slíkum ólíkindum að við sem heima sitjum göpum af undrun og aðdáun.