Vanderbilt. V-AV Norður &spade;-- &heart;K1065 ⋄D76542 &klubs;973...

Vanderbilt. V-AV

Suður spilar 7♣.

Jan Jansma hefði vafalaust kosið að spila 7♦ frekar en 7♣, en það þýddi lítið að harma sagnir. Hann trompaði hjartaútspilið, stakk spaða í borði og svínaði laufdrottningu. Spilaði svo tígulníu á drottningu og svínaði aftur í laufi. Þrettán slagir.

Jansma og makker hans Chris Willenken spiluðu í sigursveit Rosenthals í Vanderbilt-keppninni í Reno. Með þeim í liði voru Boye Brogeland, Christian Bakke og Aaron Silverstein. Spilið að ofan kom upp í átta-liða úrslitum. Á hinu borðinu sátu sænsku Rimstedt-bræðurnir í NS gegn Boye og Bakke. Boye opnaði sem gjafari á multi 2♦ og Bakke þreifaði fyrir sér með 2♠ (sittu/stattu). Mikael Rimstedt var með sterku spilin í suður og passaði. Brjóst greinilega við að Boye ætti hjartalit og myndi breyta í 3♥ og hugðist þá taka til sinna ráða. Nei. Boye passaði og Óli bróðir líka. Einn niður og vesæll 100-kall upp í alslemmuna.