Ráðgáta. A-Enginn Norður &spade;D732 &heart;K43 ⋄KG93 &klubs;43...

Ráðgáta. A-Enginn

Suður spilar 6G.

Hvað er kallað Muiderberg í Hollandi, Tartan í Bretlandi, pólskir tveir í Póllandi og Jón og Símon á Íslandi? Svar: Veik opnun á tveimur í hálit til að sýna 5-4 í opnunarlitnum og öðrum láglitnum.

Foringi Svisslendinga, Pierre Zimmermann, beitti sagnvenjunni í úrslitaleik HM – opnaði á 2♥ sem gjafari. Hollendingurinn Bauke Muller doblaði og Fernando Piedra í vestur flúði í láglitinn, sagði 3♣. Simon de Wijs doblaði og trompaði út: 2.000 í NS!

Hinum megin fór Sjoert Brink niður á 6G. Út kom hjarta (austur hafði skotið inn hjartasögn) og Brink tók slaginn í borði til að svína strax ♣G. Spilaði svo tígli á gosa. Austur átti slaginn og spilaði hálaufi til baka. Nú er svartlitaþvingun á vestur út úr myndinni, en af því austur á lauflengdina þvingast hann í mjúku litunum. En nei – einhverra hluta vegna lagði Brink nú niður ♥Á og klippti á samganginn heim.