Ísland hefur allt sem til þarf til að standa undir þeim kröfum sem betur borgandi ferðamenn gera. Með tilkomu lúxushótela í Reykjavík og annars staðar á landinu verður Ísland enn eftirsóttari áfangastaður.
Þetta segja þau Helga Árnadóttir, framkvæmdastjóri hjá Bláa lóninu, og Haukur B. Sigmarsson, framkvæmdastjóri Eleven Experience á Íslandi, í nýjum þætti Dagmála þar sem rætt er um mikilvægi fágætisferðaþjónustu hér á landi. Þá er rætt um hvaða efnahagslegu þýðingu það hefur að fá til landsins fleiri betur borgandi ferðamenn.
Þessi uppbyggingin kallar á miklar fjárfestingar, bæði í innviðum og eins í starfsmannamálum þar sem áhersla er lögð á þekkingu og reynslu. Hár launakostnaður á Íslandi hefur áhrif á uppbygginguna en ef kröfum ferðamann er mætt eru þeir tilbúnir til að greiða hærra verð fyrir þá þjónustu sem veitt er enda verðteygni þeirra meiri en annarra.