Multi-slys. N-AV Norður &spade;K &heart;ÁD9643 ⋄853 &klubs;1073...

Multi-slys. N-AV

Suður spilar 4♠.

Fuglarnir voru að skruna í gegnum spilin frá lokadegi Íslandsmótsins þegar mörgæsin rauk augun í óvænta tölu í AV. Á þremur borðum fengu NS 480 fyrir 4♥ með tveimur yfirslögum, en Þorlákur Jónsson og Haukur Ingason í sveit Skjanna gáfu út 50-kall. „Hva – fóru þeir í sjö?“

Nei, Magnús minn. Þorlákur spilaði fjóra SPAÐA! Haukur opnaði á multi 2♦, Þorlákur hváði með 2G, fékk svarið 3♦, sem Haukur meinti sem hjarta en Þorlákur skildi sem spaða og stökk í 4♠. Tígulgosi út.

Láki gerði sitt besta. Drap á ♦Á, tók ♦K og spilaði ♦4 að áttunni í borði. Vestur sá ekki ástæðu til að trompa líklegan slag af makker sínum og henti laufi. Tíguláttan hélt því velli og nú fór spilið að vera pínulítið spennandi. Láki tók tvo slagi á hjarta og ♣Á, stakk svo tígul með ♠K og hjarta til baka. Einn slag til fékk hann á tromp, en það dugði bara í níu alls.