Aðdáandi Hammans. V-Enginn
Norður | |
♠K875 | |
♥94 | |
♦5 | |
♣DG9632 |
Vestur | Austur |
♠Á9 | ♠DG4 |
♥762 | ♥D10853 |
♦KG8764 | ♦D10 |
♣105 | ♣K84 |
Suður | |
♠10632 | |
♥ÁKG | |
♦Á932 | |
♣Á7 |
Suður spilar 3G.
„Í veröld keppnisspilara er sögnin 2G stundum notuð sem afmelding eða Lebensohl. Eitthvað sem fáir skilja eða muna þegar til á að taka,“ skrifar Sigurpáll Ingibergsson í formála að þessu spili Hrossakjötsmótsins.
Það má vinna 4♠ í NS, en sá samningur var ekki mikið reyndur. Flestir voru í bút eða jafnvel 3G, eins og einn ónefndur aðdáandi Bobs Hammans. Á einu borði vakti suður á grandi í fjórðu hendi og vestur kom inn á 2♦. Norður sá sér leik á borði að enda sagnir í laufbút og sagði 2G, sem samkvæmt kerfi er Lebensohl-beiðni um 3♣. En suður var ekki viss og þekkti auk þess lögmál Hammans um að segja alltaf 3G í vafa. Hann gerði það og fékk út tígul. Dúkkaði drottningu og tíu, tók þriðja slaginn á ♥Á, fríaði laufið og komst loks inn í borð á ♠K til að taka fríslagina. Slétt staðið og 90% skor.