Haaland á leið til Manchester

Norski knattspyrnumaðurinn Erling Braut Haaland verður orðinn leikmaður Manchester City innan fárra daga, samkvæmt breskum fjölmiðlum. Borussia Dortmund hefur staðfest að City hafi virkjað klásúlu í samningi hans, um að hann geti farið frá þýska félaginu fyrir 64 milljónir punda sem greiddar séu í einu lagi. Haaland, sem er 21 árs, þykir einn efnilegasti framherji heims og hefur skorað 92 deildamörk í 121 leik á ferlinum.