Önnur skyssa. N-NS Norður &spade;ÁG8 &heart;742 ⋄ÁKG10 &klubs;ÁK3...

Önnur skyssa. N-NS

Suður spilar 6G.

Þetta er eitt af skyssuspilum Svíans Jannersteins í bókinni „Finn felet“ (1981). Suður fær út spaða gegn 6G, lætur áttuna í borði og drepur drottningu austurs. Spilar svo ÁK og þriðja laufinu. Tólf einfaldir slagir, en Jannerstein er sáróánægður.

Eina taphættan er slæm lega í laufi, sérstaklega ♣D10xx í vestur. Og það vill svo til að hægt er að dekka þá stöðu með öryggisspilamennsku: fyrst er laufás spilað, síðan er farið heim og laufníu rúllað yfir til austurs.

Tiltölulega einfalt stef, en krefst þess að samgangurinn sé góður. Suður þarf þrjár innkomur: eina til að hleypa laufníunni, aðra til að fría litinn og þá þriðju til að taka fríslaginn. Sagnhafi kemst heim á tíguldrottningu og hjartaás, en þriðja innkoman á spaða fór fyrir lítið í fyrsta slag – hann átti að setja spaðagosann í borði.