Tvenna Stefán Ingi Sigurðarson skoraði tvö mörk fyrir HK í 3:1-sigri á Gróttu í 3. umferð Mjólkurbikars karla í fótbolta í gærkvöldi.
Tvenna Stefán Ingi Sigurðarson skoraði tvö mörk fyrir HK í 3:1-sigri á Gróttu í 3. umferð Mjólkurbikars karla í fótbolta í gærkvöldi. — Morgunblaðið/Eggert
Dalvík/Reynir úr 3. deild gerði sér lítið fyrir og vann Þór úr 1. deild í Norðurlandsslag í 3. umferð Mjólkurbikars karla í fótbolta í gærkvöldi. Dalvík/Reynir komst í 1:0 með sjálfsmarki á 28.

Dalvík/Reynir úr 3. deild gerði sér lítið fyrir og vann Þór úr 1. deild í Norðurlandsslag í 3. umferð Mjólkurbikars karla í fótbolta í gærkvöldi. Dalvík/Reynir komst í 1:0 með sjálfsmarki á 28. mínútu og Jóhann Örn Sigurjónsson gulltryggði óvæntan sigur á 79. mínútu.

Á Höfn í Hornafirði þurfti úrvalsdeildarlið ÍA að hafa mikið fyrir 5:3-útisigri á Sindra úr þriðju deild. Sindramenn komust tvívegis yfir með mörkum frá Abdul Bangura og Ibrahim Barrie en að lokum gulltryggði Gísli Laxdal Unnarsson tveggja marka sigur Skagamanna.

Þá vann Selfoss úr 1. deild sigur á Magna úr 2. deild á heimavelli í vítakeppni og Afturelding vann 3:2-sigur á Vestra á útivelli í framlengdum 1. deildar slag.

Þá skoraði Stefán Ingi Sigurðarson tvö mörk fyrir HK í 3:1-sigri á Gróttu á heimavelli í 1. deildar slag og ÍR úr 2. deild gerði góða ferð til Grindavíkur og vann 2:1-sigur á Grindvíkingum úr 1. deild.

Nánari upplýsingar um leiki gærdagsins í bikarkeppninni má nálgast á mbl.is/sport.