Hægt að nota símann

Hægt verður að leysa út reiðufé úr hraðbanka með símanum og því ekki nauðsynlegt að hafa kort meðferðis, með tilkomu nýrrar tækni sem hefur verið tekin í notkun í hraðbönkum Íslandsbanka og Arion banka. Origo, þjónustufyrirtæki í upplýsingatækni, hefur kynnt þessa lausn, til þess að svara kalli neytandans að því er fram kemur í fréttatilkynningu frá fyrirtækinu. Segir þar að notkun stafrænnar þjónustu hafi aukist meðal Íslendinga í faraldrinum og sömuleiðis útbreiðsla rafrænna skilríkja hjá almenningi. Því hafi þau gegnt veigameira hlutverki í bankaþjónustu á síðustu árum.