Dýr drottning. S-NS Norður &spade;-- &heart;ÁK1053 ⋄K108...

Dýr drottning. S-NS

Suður spilar 7G.

Á fögrum vordegi fyrir margt löngu sátu Kauko Koistinen og Jón Baldursson að spilum á Hótel Loftleiðum, sem þá var – Kauko í kristalssalnum, Jón í kjallaranum, báðir í suður. Og báðir opnuðu á einu grandi.

Þetta var í leik Finna og Íslendinga á Norðurlandamótinu 1988. Vestur hindraði í 3♠, norður sýndi hjarta og láglit með 4♠, austur stökk í 6♠ (!) og þeir Jón og Kauko veltu framhaldinu yfir á makker með kröfupassi. Valur Sigurðsson og Jari Erkillaa sátu við hinn borðsendann og sögðu 7♣ – pass, pass og 7♠ í vestur.

Fram að þessu höfðu sagnir þróast nákvæmlega eins á báðum borðum, en nú skildi leiðir: Finnarnir dobluðu 7♠ og uppskáru 1.700, en Jón lét vaða í 7G, sem unnust þegar drottningin í hjarta skilaði sér í vestur (2.220). Einhver reiknaði út að hjartadrottningin hefði þarna sveiflað 31 impa.