Misheppnað útspilsdobl. S-AV
Norður | |
♠93 | |
♥9742 | |
♦-- | |
♣ÁKG9862 |
Vestur | Austur |
♠85 | ♠ÁG642 |
♥G105 | ♥ÁD63 |
♦DG10953 | ♦Á87 |
♣54 | ♣10 |
Suður | |
♠KD107 | |
♥K8 | |
♦K642 | |
♣D73 |
Suður spilar 3G dobluð.
Daninn Andreas Marquardsen tók praktískan pól í hæðina. Hann var með lauflitinn góða í norður og sá makker sinn opna á veiku grandi. Vestur passaði og Marquardsen skaut á 3G! Vissulega óhefluð sögn, en hefur þann stóra kost að þagga niður í austri.
Raunar ekki. Svíinn Bengt-Erik Efraimsson sat í austur og gat ekki hugsað sér að passa. Hann doblaði. Flest hámenntuð pör nota dobl í þessari stöðu til að panta ákveðið útspil, ýmist spaða eða styttri hálit. Hver svo sem regla Svíanna er, þá spilaði Mats Axdorph út ♠8 frá tvílitunum. Það gaf sagnhafa (John Norris) tíu slagi og 650, en 3G fóru niður á hinu borðinu eftir ♦D út. Hjartagosinn er líka banvænn og þar kom María Haraldsdóttir Bender út í leik Íslands og Finnlands í kvennaflokki. Suður opnaði á 1♦, norður sagði 2♣ og Harpa Fold Ingólfsdóttir í austur sýndi hálitina með dobli.