„Ég myndi segja að þetta væri ekta útilegugrill þar sem ég býð upp á tilbúnar „franskar“ úr dós, lauksnakk og grillaðar pylsur til að narta í með borgurunum, segir Berglind og við tökum undir það. Einfalt meðlæti og þægilegt. Nákvæmlega það sem maður þarf í góðri útilegu.
Berglind segist nokkuð mikill grillari en það sé þó sveiflukennt eins og hjá okkur flestum. „Ég elska grillmat og tek skorpur í því að grilla. Grilla klárlega meira á sumrin en veturna en finnst fátt betra en ilmandi grilllykt! Og sjálfsagt geta flestir matgæðingar tekið undir þau orð.
Lykillinn að góðum eftirrétti
„Það er svo erfitt að gera upp á milli hvað mér finnst skemmtilegast að grilla, segir hún. „Góður fiskur jafnast alveg á við góða steik og mér finnst fiskur eiginlega bestur af grillinu. Ég skil ekki af hverju ég grilla ekki oftar fisk.
Eftirréttir eru einnig í miklu uppáhaldi en hægt er að útfæra skemmtilega eftirrétti á ótal vegu á grillinu. „Súkkulaðifylltir bananar eru alltaf klassík, svo lengi sem maður grillar þá rétt þannig að súkkulaðið bráðni en bananinn fari ekki í mauk!
Hver er lykillinn að góðri grillmáltíð?
Undirbúningur, góð krydd og rétt hitastig eftir mismunandi mat sem á grillið fer!
Besta grillráðið
Undirbúa allt svakalega vel áður en eitthvað er sett á grillið. Yfirleitt er maður að grilla eitthvað sem tekur frekar stuttan tíma og það fer allt í vitleysu ef það er ekki búið að leggja á borð, preppa meðlæti og þess háttar. Ég geri það alltaf á meðan grillið hitnar og þá er bara hægt að einbeita sér að því sem á grillinu er og njóta þess um leið og það er tilbúið.
BBQ-borgarar
Fyrir 44 x 170 g hamborgari
4 x hamborgarabrauð
Hamborgarakrydd
Heinz Sweet BBQ-sósa
8 sneiðar af osti
Kál
Bufftómatar
Rauðlaukur
Steiktur laukur
Pikknikk-kartöflusnakk
Pepperoni-pylsur
Skerið niður tómata, lauk og kál, geymið.
Grillið hamborgarana á vel heitu grilli, kryddið og penslið með bbq-sósu eftir smekk.
Setjið tvær ostsneiðar á hvern hamborgara rétt í lokin og hitið brauðin á grillinu.
Raðið saman því sem þið óskið eftir á hamborgarann, setjið enn meiri BBQ-sósu yfir allt saman og berið fram með grilluðum pepperoni-pylsum, pikknikk og steiktum lauk. Einnig er gott að setja steikta laukinn á milli með grænmetinu.
Af hverju skiptir fituprósentan öllu máli?
Það eru ekki allir sem átta sig á því að lykillinn að virkilega bragðgóðum og safaríkum hamborgara liggur í fitunni. Fitan tryggir mýktina og að borgarinn verði virkilega djúsí og bragðmikill eins og við viljum flest.Fyrir tveimur árum kynnti Hagkaup til sögunnar nýjan hamborgara sem innihélt 30% fitu sem olli talsverðum usla meðal matgæðinga, enda sannkallaður sælkeraborgari. Hamborgarinn hefur allar götur síðan verið ein mest selda varan í Hagkaup en að sögn Sigurðar Reynaldssonar, framkvæmdastjóra Hagkaupa, vekja nýjungar sem þessar alltaf mikla athygli enda fylgjast matgæðingar vel með því sem er að gerast í hérlendri vöruþróun. Skemmst sé að minnast viðbragðanna sem rib-eye borgararnir fengu hér um árið.
„Kjötsérfræðingar vilja meina að bragðið liggi í fitunni og erum við hjá Hagkaup hjartanlega sammála þeirri staðhæfingu. Þessir sígildu hamborgarar eru oftast 15 til 20% fita og ákváðum við að sjá hvað myndi gerast ef við hækkuðum hlutfallið upp í 30% fitu. Við létum slag standa og er útkoman komin í verslanir Hagkaups. Þetta er mögulega besti hamborgarinn á markaðnum í dag og gerður úr 100% íslensku nautakjöti. Hann fær að njóta sín hvað best ef hann er grillaður, þar sem fituhlutfallið er hátt,“ segir Sigurður.
Til baka
Leita í greinasafni
Prenta grein