Á sjó Frá siglingu á Borgarfirði eystri í tilefni sjómannadagsins. Siglt var frá höfninni við Hafnarhólma undir vökulum augum lundans sem þar býr.
Á sjó Frá siglingu á Borgarfirði eystri í tilefni sjómannadagsins. Siglt var frá höfninni við Hafnarhólma undir vökulum augum lundans sem þar býr. — Morgunblaðið/Sigurður Aðalsteinsson
Lagt í hann Skrúðganga fór frá Hörpu um hádegisbil en henni lauk á Granda þar sem tók við fjölbreytt dagskrá.
Bara fyrir þau sem þora Í borginni var nóg um að vera, til að mynda var hægt að klifra við síldarbryggjuna.
Siglt Kátir sjómenn tóku á móti mannskapnum á Drangey SK 2. Deginum var fagnað víðsvegar um land.
Margt um manninn Frá sjómannadagssiglingu Drangeyjar SK 2 frá Sauðárkróki. Alls voru um 550 manns um borð í skipinu og var glatt á hjalla.
Heiður Finnbogi Aðalsteinsson, Guðjón Hafsteinn Guðmundsson, Helgi Vignir Kristinsson, Ingvar Friðriksson, Kristinn Daníel Hafliðason, Sigurður Ólafsson, Ægir Kristmann Franzson og Valdimar H. Sigþórsson voru heiðaraðir í Hörpu fyrir farsæl störf til sjós og björgunarafrek.
Raufarhöfn Þær Dagný Ríkharðsdóttir (t.v.) og Þórdís Sigtryggsdóttir (t.h.) fóru í sjómann á Raufarhöfn enda fátt jafn viðeigandi á degi sjómanna.
[ Smellið til að sjá stærri mynd ]
Sjómannadagurinn var haldinn hátíðlegur um allt land í gær og í fyrradag. Síðustu tvö ár hefur ekki verið mögulegt að halda hann með pompi og prakt vegna þeirra samkomutakmarkana sem kórónuveirufaraldrinum fylgdu.

Sjómannadagurinn var haldinn hátíðlegur um allt land í gær og í fyrradag. Síðustu tvö ár hefur ekki verið mögulegt að halda hann með pompi og prakt vegna þeirra samkomutakmarkana sem kórónuveirufaraldrinum fylgdu. Gestir sjómannadagsins voru greinilega þyrstir í góða skemmtun því fjörið var í hámarki í hverju sjávarplássi.

„Það er greinilegt að meðbyrinn sem var með sjómönnum og sjávarútvegi árið 1938, þegar þetta var haldið í fyrsta sinn, er engu minni í dag,“ sagði Aríel Pétursson, stjórnarformaður Sjómannadagsráðs. „Viðtökur við sjómannadeginum eru vonum framar hjá okkur,“ segir hann og bætir við að allir viðburðir dagsins hafi verið gríðarlega vel sóttir.