Lánlaus Hollendingur. S-Allir Norður &spade;D87 &heart;85 ⋄ÁD64...

Lánlaus Hollendingur. S-Allir

Suður spilar 4♥.

Þrátt fyrir fremur slæma legu unnust 4♥ á flestum borðum í þessu spili frá fyrstu umferð EM á Madeira. En einn og einn sagnhafi fór niður, þar á meðal Hollendingurinn Ricco van Prooijen í sýningarleik við Pólverja á BBO. A-V höfðu ekkert blandað sér í sagnir og Rafal Jagniewski í vestur kom út með spaðagosa.

Van Prooijen drap á drottningu í borði og renndi hjartaáttunni yfir á drottningu vesturs. Jagniewski spilaði spaða til baka – lítið, nía og ás. Eftir ♥ÁK spilaði van Prooijen einspilinu í laufi, sem vestur tók og skipti yfir í tígultíu. Auðvitað er fráleitt að stinga upp ás, en hins vegar kemur til greina að fresta svíningunni og dúkka einu sinni í öryggisskyni. Það hefði aldeilis skilað óvæntum ávinningi. En sem sagt – Van Prooijen svínaði, toppaði svo spaðann í framhaldinu og gaf þannig fjórða slaginn á spaðatíu.