Messur

AKUREYRARKIRKJA | Sumarmessa í Minjasafnskirkjunni kl. 11. Haraldur Þór Egilsson safnstjóri og sr. Svavar Alfreð Jónsson flytja prédikun þar sem m.a. verður sagt frá Sigríði Jónsdóttur, móður Nonna. Eyþór Ingi Jónsson verður við hljóðfærið og Hymnodia syngur.

ÁRBÆJARKIRKJA | Sumarhelgistund kl. 11. Kirkjukórinn leiðir í almennum söng. Organisti er Kristina K. Szklenár. Sr. Þór Hauksson flytur hugleiðingu og þjónar fyrir altari.

ÁSKIRKJA | Sumarmessa kl. 11. Sr. Sigurður Jónsson prédikar og þjónar fyrir altari ásamt Jóhönnu Maríu Eyjólfsdóttur djákna. Kór Áskirkju syngur, organisti er Bjartur Logi Guðnason.

Athugið að sameiginlegar sumarmessur fyrir allt Laugardalsprestakall (Ássókn, Laugarnessókn og Langholtssókn) verða í Áskirkju alla sunnudaga kl. 11 frá og með 19. júní til og með 7. ágúst í sumar, og verða messur allra sóknanna í prestakallinu því í Áskirkju þá sunnudaga.

ÁSTJARNARKIRKJA | Sumarmessur í Garðakirkju, samstarfsverkefni safnaðanna í Hafnarfirði og Garðabæ. Guðsþjónusta kl. 11 og sunnudagaskóli kl. 10. Sjá nánari upplýsingar undir Garðakirkju.

BESSASTAÐASÓKN | Sumarmessur í Garðakirkju alla sunnudaga kl. 11. Bessastaðasókn tekur þátt í Sumarmessunum.

Sjá Garðakirkja hér í síðunni.

BREIÐHOLTSKIRKJA | Gönguguðsþjónusta Breiðholtssafnaðar. Safnast verður saman við Breiðholtskirkju kl. 10 og gengið yfir í Seljakirkju þar sem guðsþjónusta hefst kl. 11. Alþjóðlegi söfnuðurinn: Guðsþjónusta kl. 14. Sr. Toshiki Toma og sr. Ásta Laufey Sæmundsdóttir þjóna. Helgistund er alla miðvikudaga kl. 12.

BÚSTAÐAKIRKJA | Kvöldmessa 19. júní kl. 20. Stund með kvenlægri slagsíðu þar sem merkilegar konur úr biblíunni koma við sögu. Félagar úr Kammerkór Bústaðakirkju leiða sönginn undir stjórn Guðnýjar Einarsdóttur sem spilar á flygilinn, sr. Eva Björk Valdimarsdóttir þjónar ásamt messuþjónum.

DÓMKIRKJAN | Messa kl. 11. Sr. Jón Ásgeir Sigurvinsson prédikar og þjónar fyrir altari. Dómkórinn syngur.

FELLA- OG HÓLAKIRKJA | Gönguguðsþjónusta í Breiðholti er orðin að áralangri hefð. Þau sem treysta sér ekki í gönguna geta mætt beint í guðsþjónustuna. Gengið frá Breiðholtskirkju kl. 10 að Seljakirkju þar sem verður guðsþjónusta kl. 11. Sr. Ólafur Jóhann Borgþórsson þjónar fyrir altari og prédikar og Tómas Guðni organisti leiðir tónlistina ásamt félögum úr kór Seljakirkju. Messukaffi eftir stundina.

FRÍKIRKJAN Hafnarfirði | Sumarmessa í Garðakirkju kl. 11. Sr. Margrét Lilja Vilmundardóttir prédikar og þjónar við athöfnina. Kór og hljómsveit Fríkirkjunnar leiðir sönginn. Kaffi og söngur í Króki að lokinni guðsþjónustu.

FRÍKIRKJAN Reykjavík | Guðsþjónusta sunnudag kl. 14. Séra Hjörtur Magni Jóhannsson leiðir stundina. Barn verður borið til skírnar. Hljómsveitin Mantra og sönghópurinn Við Tjörnina leiða sönginn undir stjórn Arnar Arnarsonar gítarleikara.

GARÐAKIRKJA | Sunnudagaskóli kl. 10. Sumarmessa kl. 11 á kvenréttindadaginn 19. júní. Sr. Margrét Lilja Vilmundardóttir þjónar. Fríkirkjubandið ásamt kór Fríkirkjunnar í Hafnarfirði leiðir sönginn. Veitingar að messu lokinni í hlöðunni í Króki.

GLERÁRKIRKJA | Sunnudagur – kvenréttindadagurinn. Messa kl. 20. Sr. Magnús M. Gunnarsson þjónar, sr. Erla Björk Jónsdóttir prestur á Dalvík prédikar. Ívar Helgason syngur. Eftir stundina verður kaffi í safnaðarheimilinu.

GRAFARVOGSKIRKJA | Fermingarathöfn 19. júní kl. 11. Sr. Guðrún Karls Helgudóttir þjónar. Kór Grafarvogskirkju leiðir söng. Organisti er Ágúst Ingi Ágústsson.

GRENSÁSKIRKJA | Messa á kvenréttindadaginn 19. júní kl. 11. Við höldum kvenréttindadaginn hátíðlegan. Syngjum sálma eftir konur, tölum um konur og veltum fyrir okkur hvort Guð sé kona. Ásta Haraldsdóttir organisti spilar, Kirkjukór Grensáskirkju leiðir messusönginn og sr. Eva Björk Valdimarsdóttir þjónar ásamt messuþjónum.

GRUND dvalar- og hjúkrunarheimili | Guðsþjónusta sunnudag í umsjón Félags fyrrum þjónandi presta kl. 14 í hátíðarsal Grundar. Prestur er Anna Sigríður Pálsdóttir. Félagar úr Grundarkórnum leiða söng. Organisti er Kristín Waage.

GUÐRÍÐARKIRKJA í Grafarholti | Guðsþjónusta sunnudag kl. 11. Prestur er Magnús Erlingsson. Organisti er Hrönn Helgadóttir og kór Guðríðarkirkju syngur. Kirkjuvörður Lovísa Guðmundsdóttir. Kaffisopi í boði eftir messuna.

HALLGRÍMSKIRKJA | Messa 19. júní kl. 11. Sr. Sigurður Árni Þórðarson prédikar og þjónar fyrir altari. Messuþjónar aðstoða. Félagar í Kór Hallgrímskirkju syngja undir stjórn Steinars Loga Helgasonar. Organisti er Björn Steinar Sólbergsson.

HVÍTASUNNUKIRKJAN Fíladelfía | Samkoma kl. 11. Service. Translation into English. Samkoma á ensku kl. 14. English speaking service. Samkoma á spænsku kl. 16. Reuniónes en español.

KEFLAVÍKURKIRKJA | Göngumessa í Keflavíkurkirkju 19. júní kl. 20. Hörður Gíslason gefur okkur fróðleik í frásögnum um hús og fólk í gamla bænum í árlegri göngumessu. Sr. Erla gefur bæn og blessun. Arnór organisti leiðir söng við úkúlelespil. Við endum í kaffi og hjónabandssælu á pallinum hjá sóknarpresti.

KÓPAVOGSKIRKJA | Guðsþjónusta kl. 11. Sr. Sjöfn Jóhannesdóttir prédikar og þjónar fyrir altari. Lenka Mátéová leikur á orgel kirkjunnar.

KVENNAKIRKJAN | Messa í tilefni af kvenréttindadeginum 19. júní verður á Bríetartorgi, á horni Þingholtsstrætis og Amtmannsstígs, klukkan 20. Séra Auður Eir Vilhjálmsdóttir prédikar. Anna Sigríður Helgadóttir syngur einsöng og Aðalheiður Þorsteinsdóttir leikur á píanó. Á eftir verður messukaffi í húsi Kvennakirkjunnar, Þingholtsstræti 17.

NESKIRKJA | Messa kl. 11. Félagar úr kór Neskirkju syngja og leiða söng undir stjórn Steingríms Þórhallssonar organista. Prestur er Steinunn Arnþrúður Björnsdóttir. Kaffi á torginu eftir messu. Litir og blöð fyrir yngstu kynslóðina.

SAFNKIRKJAN í Árbæjarsafni | Guðsþjónusta kl. 14. Sigrún Steingrímsdóttir organisti stjórnar almennum safnaðarsöng. Prestur er Kristinn Ágúst Friðfinnsson.

SELTJARNARNESKIRKJA | Fræðslumorgunn kl. 10. Abstrakt list og afhelgun. Dr. Sigurjón Árni Eyjólfsson héraðsprestur talar. Guðsþjónusta á kvenréttindadegi kl. 11. Sr. Auður Eir Vilhjálmsdóttir prédikar. Sr. Bjarni Þór Bjarnason þjónar fyrir altari. Friðrik Vignir Stefánsson er organisti. Þorsteinn Freyr Sigurðsson er forsöngvari. Kaffiveitingar eftir athöfn í safnaðarheimilinu.

VALLANESKIRKJA | Sunnudagurinn 19. júní: Gönguguðsþjónusta. Ekið verður frá Vallaneskirkju kl. 10 að upphafsstað göngu. Þaðan verður gengið eftir fallegri leið í Vallanes. Róleg ganga á jafnsléttu. Guðsþjónusta hefst svo í Vallaneskirkju um kl. 11 og að sjálfsögðu er einnig hægt að koma beint þangað. Sr. Kristín Þórunn Tómasdóttir. Organisti er Torvald Gjerde. Almennur söngur. Fimmtudagurinn 23. júní: Tónlistarstund kl. 20. Øystein Magnús Gjerde og Veronica Eres gítar. Enginn aðgangseyrir.

VÍDALÍNSKIRKJA | Sumarmessur í Garðakirkju alla sunnudaga kl. 11. Vídalínskirkja tekur þátt í Sumarmessunum. Munið sunnudagaskólann í Garðakirkju kl. 10. Sjá Garðakirkja hér á síðunni.

VÍÐISTAÐAKIRKJA í Hafnarfirði | Sumarmessur í Garðakirkju alla sunnudaga kl. 11. Víðistaðakirkja tekur þátt í Sumarmessunum. Sjá Garðakirkja hér á síðunni.