Kjalarnesdagar Úkraínumenn búsettir á Kjalarnesi og börn þeirra fengu íslenska kjötsúpu í félagsheimilinu Fólkvangi síðdegis í gær.
Kjalarnesdagar Úkraínumenn búsettir á Kjalarnesi og börn þeirra fengu íslenska kjötsúpu í félagsheimilinu Fólkvangi síðdegis í gær. — Morgunblaðið/Hákon
Esjuberg Guðsþjónusta fór fram við útialtarið á Esjubergi og Kjalnesingar gátu lagt blóm að krossinum, sem þeir tíndu í næsta nágrenni.
[ Smellið til að sjá stærri mynd ]
Guðsþjónusta var haldin við útialtarið á Esjubergi á Kjalarnesi í gær í tilefni af Kjalarnesdögum. Fólk frá Úkraínu, sem nú býr á Kjalarnesi, var boðið sérstaklega velkomið. Eftir athöfnina var öllum boðið í kjötsúpuveislu í félagsheimilinu Fólkvangi.

Guðsþjónusta var haldin við útialtarið á Esjubergi á Kjalarnesi í gær í tilefni af Kjalarnesdögum. Fólk frá Úkraínu, sem nú býr á Kjalarnesi, var boðið sérstaklega velkomið. Eftir athöfnina var öllum boðið í kjötsúpuveislu í félagsheimilinu Fólkvangi.

Einnig fór fram í gær fjöruhreinsun og gróðursetning með Skógræktarfélagi Kjalnesinga.

Kjalarnesdagar hófust á fimmtudaginn og þeim lýkur á morgun. Dagskrá dagsins í dag hefst klukkan 14 í Fólkvangi við Klébergsskóla. Sirkus Ísland verður með sýningu klukkan 14.30, kaffihús verður opið og sölubásar, einnig verða hoppukastali og tívolítæki á staðnum. Björgunarsveitin Kjölur býður upp á fjórhjólaferðir og slökkvi- og björgunarsveitarbílar verða til sýnis ásamt ýmsu fleiru.

Á morgun verður m.a. boðið upp á ratleik klukkan 12 og örnefna- og sögugöngu með Sögufélaginu Steina kl. 16-18. Gangan hefst í Brautarholti og verður gengið þaðan að Arnarholti og Hofi. gudni@mbl.is