Eitrað Sviss. V-AV Norður &spade;ÁD5 &heart;83 ⋄ÁD5 &klubs;KDG92...

Eitrað Sviss. V-AV

Suður spilar 4♠.

Hollendingar eru Evrópumeistarar í opnum flokki. Þeir tóku forystuna þegar þriðjungur var liðinn af mótinu og héldu henni sleitulaust til loka. Litlu munaði þó undir lokin að heimsmeistarar Sviss næðu í skottið á þeim en þessar tvær þjóðir voru langefstar. Spil dagsins er frá innbyrðisleik toppþjóðanna, 4♠ á báðum borðum eftir opnun vesturs á 1♥ og opnunardobl í norður. Sama útspil: lauffjarki.

Þar sem Hollendingar voru í vörninni tók Joris van Lankveld á ♣Á og spilaði strax laufi til baka. Það dugði aðeins í þrjá slagi. Á hinu borðinu skipti Sjoert Brink yfir í ♥10 í öðrum slag! Eitrað sviss, sem sagnhafi á ekkert svar við. Ef hann leggur kónginn á tíuna, spilar vestur þrisvar hjarta og tryggir sér trompslag. Og ef vestur dúkkar – eins og Ricco van Prooijen gerði í raun – skiptir austur aftur yfir í lauf og gefur makker stungu.