Alsjáandi fingur. V-Allir Norður &spade;3 &heart;1084 ⋄D854...

Alsjáandi fingur. V-Allir

Suður spilar 6♦.

Pólverjinn Konrad Araskiewicz spilaði eins og hann hefði auga á hverjum fingri. Og kannski hafði hann það. Austur hafði opnað á 2♠ í þriðju hendi og sögnin var nákvæmlega útskýrð á kerfiskorti sem 4-10 punktar með 5-5 í spaða og láglit. Þessar upplýsingar nýttust Konrad vel þegar að því kom að velja leið í 6♦. Útspil vesturs var ♦9.

Konrad tók slaginn á ♦D, spilaði ♣K og trompaði ás austurs. Lagði næst niður ♠Á og stakk spaða. Henti hjarta í ♣D, trompaði lauf heim og spaða í borði. Og þá féll ♠K. Góð tíðindi, en engan veginn afgerandi. Konrad tók annað tromp og staldraði við til að telja. Austur átti augljóslega 5-5 í svörtu litunum og tvö tromp hafði hann sýnt. Þar með gat hann ekki átt meira en eitt hjarta. „Nú, jæja,“ hugsaði Konrad: „Þá er spilið öruggt ef það er ekki nákvæmlega kóngurinn.“ Konrad tók ♠D og húrraði út ♥D að heiman!