Engin klisja. N-NS
Norður | |
♠ÁD52 | |
♥D9 | |
♦ÁD832 | |
♣95 |
Vestur | Austur |
♠1087 | ♠KG6 |
♥654 | ♥32 |
♦KG75 | ♦10964 |
♣G82 | ♣D1074 |
Suður | |
♠943 | |
♥ÁKG1087 | |
♦-- | |
♣ÁK63 |
Suður spilar 6♥.
„Er þetta nógu svínslegt fyrir þig?“ Mörgæsin var hálffoj út í Göltinn fyrir að kalla spil gærdagsins klisju. Nú hafði Magnús fundið þraut af öðru tagi – 6♥ með trompi út.
„Svona – svona, Magnús minn. Ég ætlaði ekki að særa þig.“ Gölturinn skoðaði spilið og kinkaði hugsandi kolli.
„Þetta er flott spil,“ sagði Óskar, sem hafði fylgst með að axlarbaki: „Við spilum laufi þrisvar og trompum, stingum tígul heim, aftrompum vörnina og spilum fjórða laufinu. Hér lendir austur inni og verður að spila upp í gaffal og gefa okkur tólfta slaginn. Ef vestur reynist eiga fjórða laufið eigum við spaðasvíninguna eftir.“
Gölturinn gat ekki annað en verið sammála: „Þetta verður nú seint talið svínslegt spil, en klisja er þetta alla vega ekki. Batnandi manni er best að lifa.“