Gölturinn vann. V-NS
Norður | |
♠ÁK842 | |
♥Á10543 | |
♦109 | |
♣4 |
Vestur | Austur |
♠63 | ♠7 |
♥DG6 | ♥9872 |
♦DG8532 | ♦ÁK7 |
♣G10 | ♣K8532 |
Suður | |
♠DG1095 | |
♥K | |
♦64 | |
♣ÁD976 |
Suður spilar 6♠.
„Ég er með útspilsvandamál handa ykkur.“ Óskar ugla hafði verðið að fylgjast með lokabaráttunni í bandarísku bikarkeppninni og vildi deila þeirri reynslu með félögum sínum. Slemma í spaða var sögð á báðum borðum eftir snarpar sagnir: Vestur opnaði á veikum 2♦, norður sýndi hálitina með 3♦, austur hindraði í 5♦ og suður stökk í 6♠. „Nú er að spila út,“ sagði Óskar og breiddi væng yfir spil norðurs, austurs og suðurs.
Magnús mörgæs: „Ég spila út laufgosa. Þeir eru greinilega viðbúnir tígulútspili.“
Gölturinn: „Tíguldrottning. Ég trúi ekki að suður sé með kóng annan í tígli – það er eina staðan þar sem það gæti legið á laufútspili.“
Óskar dró vænginn að sér: „Nákvæmlega þetta gerðist í leik Schwartz og Weingold – lauf kom út á öðru borðinu, tígull á hinu. Sautján impa sveifla.“