Úlfakreppa. S-NS Norður &spade;93 &heart;ÁD3 ⋄ÁD42 &klubs;10653...

Úlfakreppa. S-NS

Suður spilar 5♥.

„Ég myndi nú ekki kalla þetta vandamál. Og þraut er þetta alveg örugglega ekki. Nei, þetta minnir mest á úlfakreppu Amlóða – að vera eða vera ekki.“ Enn einu sinni hafði Óskar grafið upp verðugt viðfangsefni frá bandarísku bikarkeppninni. Jeff Meckstroth vann 4♥ á öðru borðinu, en hinum megin þvældust NS upp á fimmta þrep í slemmuleit og þar byrjaði vörnin með ♠KD og þriðja spaðanum. Sagnhafi trompaði smátt og tók á ♥Á. Einn niður.

Þetta er rosalega grunsamleg vörn,“ sagði Gölturinn, sem var búinn að spotta vinningsleiðina: „Við tökum strax tvo slagi á lauf með svíningu, spilum hjarta og sjáum leguna, trompum lauf, yfirdrepum tígulkóng, hendum spaða í tíguldrottningu og trompum tígul. Spilum loks trompi á blindan og svíðum hjartaprinsinn af austri í tveggja spila endastöðu.“

„Þetta er að þora að vera til,“ sagði Magnús, stórhrifinn.