Leitað var að sjósundsmanni við Langasand á Akranesi seint í gærkvöldi. Þyrla Landhelgisgæslunnar var kölluð út klukkan 21:37 í gærkvöldi og var komin á vettvang klukkan tíu.
Þyrlan var við leit ásamt tveimur björgunarskipum frá björgunarsveitum Landsbjargar langt fram á kvöld.
Einnig var mikið um björgunarsveitarfólk á vettvangi, ýmist fótgangandi eða á sæþotum að leita í fjöru og sjó.
Samkvæmt heimildum Skagafrétta var sjósundsmaðurinn að synda ásamt öðrum manni þegar hann týndist.
Útkallið til viðbragðsaðila barst um tuttugu mínútum fyrir níu í gærkvöld.