Prósentur. S-AV Norður &spade;ÁG103 &heart;Á7 ⋄976 &klubs;10742...

Prósentur. S-AV

Suður spilar 3G.

Gölturinn gefur lítið fyrir prósentureikning: „Prósentur eru ágætar utan á vínflöskum en þær skipta litlu máli við spilaborðið. Þar dugir að geta talið upp í þrettán.“ Máli sínu til áherslu teiknaði hann upp stöðumynd dagsins og sýndi fuglunum – 3G með ♥10 út.

„Huglausir prósentuspilarar stinga upp hjartaás og taka ás-kóng í laufi. Þeir fá réttláta útreið. Kjarkmeiri sagnhafar óttast ekki tígulsviss og setja lítið í fyrsta slag. Austur tekur á hjartakóng og spilar hjartaáttu um hæl, sem bendir til að hann hafi byrjað með þrílit. Þá er næst að taka laufás og fjóra slagi á spaða. Þegar vestur reyndist eiga fjórlit í spaða til hliðar við líklegan fimmlit í hjarta er ljóst að plássið fyrir laufdrottningu er töluvert meira í austur en vestur. Þið getið svo sem reiknað út muninn í prósentum ef þið nennið, en þetta dugir mér til að svína laufgosa.“