Hámenn í uppnámi. N-Allir Norður &spade;943 &heart;ÁK84 ⋄D54...

Hámenn í uppnámi. N-Allir

Suður spilar 4♠.

Austur opnar á Standard-laufi í annarri hendi og suður stekkur í 4♠. Allir passa. Vestur spilar út lauftíu, austur tekur á ♣ÁK og spilar laufi í þriðja sinn. „Þægileg vörn,“ hugsar sagnhafi og sér fyrir sér auðvelda ellefu slagi. En skiptir snarlega um skoðun þegar vestur neitar að fylgja lit í spaðaásinn. Það þýðir bara eitt - slagirnir á ♥ÁK eru í uppnámi. Hvað er til ráða?

Ekki sakar að spila spaðaáttu næst, en sæmilega reyndur spilari í austursætinu dúkkar með fyrirlitningarsvip. Þá kemur tvennt til greina: (1) treysta á ♦Kx í austur, eða (2) endaspila austur með LITLU trompi. Leið (2) sýnist langsóttari, enda gengur hún því aðeins upp að austur sé með þrjú lauf og þá skiptinguna 3=4=3=3. Nema auðvitað ef vestur fylgir lit í slag tvö og þrjú með laufþristi og sjöu. Hann kom jú út með tíuna!