Ekkert val. S-Allir Norður &spade;D94 &heart;ÁD9 ⋄K862 &klubs;K75...

Ekkert val. S-Allir

Suður spilar 6G.

Sagnir ganga 2G-6G og vestur spilar út litlu hjarta. Sagnhafi telur upp í ellefu slagi og sér að sá tólfti getur varla komið nema á tígul. En hvernig er best að vinna úr tíglinum?

Rétta byrjunin er lítið á tíuna. Þannig má ráða við allar stöður með litlu hjónin í austur. Í þessu tilfelli drepur vestur með drottningu og spilar hjarta um hæl. Þá er næst að taka á tígulás. Ef hann veiðir ekkert nema hunda í bandi verður liturinn að brotna 3-3, en hér dettur gosinn í austur. Þá vaknar athyglisverð spurning: Á að taka á kónginn næst eða svína áttunni? Spurninguna má umorða þannig: Hvort er líklegra að austur hafi byrjað með ♦G4 eða ♦G94?

Gosi og nía eru jafngild spil í stöðunni og austur hefði því sem best getað fylgt lit með níunni frá ♦G94. Hann hefur val. Með ♦G4 hefur hann ekkert val og því er sú lega (tvöfalt) líklegri.