Sanngjarn sigur. N-Allir Norður &spade;Á986 &heart;D96 ⋄D76...

Sanngjarn sigur. N-Allir

Suður spilar 3G.

Fuglarnir voru sammála um það að sigur Grant Thorntons í bikarkeppninni hefði verið sanngjarn og verðskuldaður: „Þetta hefur verið strembið prógramm hjá þeim, alveg frá upphafi.“ Síðasti biti í háls rann reyndar nokkuð mjúklega niður – úrslitaleikurinn við Sölufélag garðyrkjumanna – en þá voru Grantverjar líka komnir í slíkt myljandi stuð að það var engin leið að stoppa þá.

Spil dagsins er frá undanúrslitum. Þrjú grönd voru sögð á öllum borðunum fjórum en unnust aðeins einu sinni eftir hjálplegt útspil – spaðatíu. Hinir sagnhafarnir þrír fengu út rauðan lit og fóru einn niður. En spilið má vinna með kambsvíningu (intra-finesse) í spaða. Þá er níunni (eða áttunni) spilað úr borði og svínað fyrir tíuna. Síðan er farið af stað með gosann til að gleypa tíuna og svína um leið fyrir hinn hámann vesturs.