Ofurmorgunverður Grauturinn er fullur af dýrindis næringarefnum og orkugjöfum sem gefa góða orku út daginn.
Ofurmorgunverður Grauturinn er fullur af dýrindis næringarefnum og orkugjöfum sem gefa góða orku út daginn. — Ljósmyndir/Linda Ben
Endurvinnanlegar Þó að glerkrukkurnar hafi átt fjölda aðdáenda þá eru nýju umbúðirnar öllu heppilegri.
[ Smellið til að sjá stærri mynd ]
Hin sívinsæla haustjógúrt frá Örnu er orðin árviss viðburður og bíða neytendur spenntir eftir þessum ljúfa haustboða sem er sneisafullur af dýrindis vestfirskum aðalbláberjum.

Í ár kveður við nýjan tón þar sem breytt hefur verið um umbúðir. Í staðinn fyrir glerkrukkur eru komnar endurvinnanlegar umbúðir sem eru í senn afar fallegar og meðfærilegar. Ekki spillir fyrir að hægt er að endurvinna þær. Hér getur að líta uppskrift úr smiðju Lindu Ben þar sem haustjógúrtin er í aðalhlutverki. Um er að ræða morgungraut sem er undirbúinn kvöldið áður. Hann inniheldur hin bráðhollu chiafræ sem þurfa smátíma til að drekka í sig vökva og því er ákaflega heppilegt að undirbúa grautinn kvöldið áður og grípa með sér morguninn eftir.

Bláberja „yfir-nótt“-chiagrautur

1 msk. chiafræ

2 msk. hafrar

1 dl vatn

200 g íslensk haustjógúrt með íslenskum aðalbláberjum

½ banani

1 msk. möndlusmjör

1 msk. saxaðar döðlur

1 tsk. kókosmjöl

Aðferð: Setjið chiafræ og hafra í skál ásamt vatni, hrærið og leyfið því að standa í 10 mín.

Bætið bláberjajógúrt út á skálina og blandið saman. Hægt er að loka skálinni og láta grautinn bíða yfir nótt inni í ísskáp eða borða strax.

Skerið bananann í sneiðar og bætið út á skálina ásamt möndlusmjöri, söxuðum döðlum og kókosmjöli.