Kristín Linda Árnadóttir aðstoðarforstjóri Landsvirkjunar verður nýr formaður samninganefndar ríkisins en þessa dagana er unnið að því að ljúka skipan samninganefndarinnar fyrir komandi kjaraviðræður.
Gildandi kjarasamningar á almennum vinnumarkaði renna flestir skeið sitt á enda á síðasta ársfjórðungi þessa árs en gildistími kjarasamninga opinberra starfsmanna er í flestum tilvikum til loka marsmánaðar. Bandalög opinberra starfsmanna hafa óskað eftir að kjaraviðræður hefjist sem fyrst og er skipan nýs formanns liður í undirbúningi við að hefja það samtal, segir í frétt á vef stjórnarráðsins.