Misheppnuð aðgerð. V-NS
Norður | |
♠G75 | |
♥D852 | |
♦ÁD104 | |
♣K10 |
Vestur | Austur |
♠842 | ♠6 |
♥Á963 | ♥KG107 |
♦92 | ♦KG876 |
♣9643 | ♣872 |
Suður | |
♠ÁKD1093 | |
♥4 | |
♦53 | |
♣ÁDG5 |
Suður spilar 6♠.
„Óvenjulegt spil,“ sagði Óskar ugla og hló niðurbældum hlátri: „Aðgerðin misheppnaðist en sjúklingurinn lifði.“ Óskar rétti félögum sínum útprent af spili frá úrslitaleik bresku bikarkeppninnar, sem sýnt var frá á BBO á sunnudaginn. Umrædd aðgerð var svíning í tígli.
Úrslitaleikurinn var á milli Andrew BLACK (David Gold, Andrew McIntosh, Tom Paske, Gunnar Hallberg, Simon Hult) og Brian SENIOR (Sandra Penfold, Alan Mould, John Holland, Vladislav Isporski, Rumen Trendafilov) og vann sá fyrrnefndi 173-129 í 64 spilum. Sautján stig féllu í dálk sigurvegaranna í spilinu að ofan þegar Paske fékk að vinna slemmu sem fór niður á hinu borðinu. Isporski kom út með tígulníu gegn 6♠ og Paske svínaði drottningunni. Svíningin misheppnaðist en Trendafilov bjóst við einspili hjá makker sínum og spilaði tígli til baka, beint upp í ás-tíu!